12.1. Noticias

A Secretaría Xeral de Universidades remitiu unha modificación da Instrución sobre complementos de formación necesarios para que arquitectos técnicos obteñan o Grado de Enxeñeiro de Edificación.

Podes consultala no enlace.

Recordámosche que unha das disposicones legais modificadas por a Lei 25/2009, de 22 de decembro, de modificación de diversas leis para a súa adaptación á Lei sobre o libre acceso ás actividades de servizos e o seu exercicio, é o Real Decreto-lei 1/1986, de 14 de marzo, de Medidas Urxentes Administrativas, Financeiras, Fiscais e Laborais. Concretamente, as modificacións son:

Un. Modifícase o apartado 1 do artigo 6, que queda redactado como segue:

«1. Queda suprimido o requisito da previa autorización para proceder á apertura dun centro de traballo ou para renovar ou proseguir os traballos logo de efectuar alteracións, ampliacións ou transformacións de importancia, previsto no artigo 187.1 do Texto Refundido da Lei Xeral da Seguridade Social, aprobado por Decreto 2065/1974, de 30 de maio. En diante, será suficiente a comunicación da apertura do centro de traballo ou da reanudación dos traballos debidamente documentados e axustados ao Ordenamiento Xurídico, con carácter previo ou dentro dos trinta días seguintes á apertura, á autoridade laboral competente, quen a poñerá en coñecemento da Inspección de Traballo e Seguridade Social aos efectos previstos no Convenio 81 da OIT de 11 de xullo de 1947.»

Dous. Engádese un apartado 3 no artigo 6 do Real Decreto-lei 1/1986, de 14 de marzo, de Medidas Urxentes Administrativas, Financeiras, Fiscais e Laborais, coa seguinte redacción:

«3. Nas obras de construción incluídas no ámbito de aplicación do Real Decreto 1627/1997, de 24 de outubro, polo que se establecen disposicións mínimas de seguridade e saúde nas obras de construción, a comunicación de apertura do centro de traballo deberá ser previa ao comezo dos traballos e efectuarase únicamente polos empresarios que teñan a condición de contratistas con arranxo á indicada Lei. O promotor deberá velar polo cumprimento da obrigación imposta ao contratista.»

Nova edición 2010 da publicación Preciar da Construción Centro (Libro de prezos de Guadalajara).

Nesta nova edición ademais de haberse actualizado todos os prezos do mercado e incrementado as unidades de obra, a edición 2010 inclúe estas importanes novidades:

- Actualizaciónes de prezos da Base de Datos On-Line.

- Adaptación a DB HR do CTE de protección fronte ao ruído.

- Desenvolvemento do capítulo de xestión de residuos (s/RD 105/2008)

- Desenvolvemento do capítulo de hormigones segundo EHE-08

Recordámosche que o próximo 31 de marzo finaliza o prazo para presentar a declaración anual de operacións con terceiros correspondente ao ano 2009 (Mod. 347).

Están obrigados a presentar esta declaración quen desenvolvan actividades empresariais ou profesionais, xa sexan: persoas físicas, xurídicas ou entidades carentes de personalidade xurídica (sociedades civís, comunidades de bens, etc.), a condición de que realicen operacións que no seu conxunto, respecto doutra persoa ou entidade, superen a cifra de 3.005,06 euros no ano 2009.  

Pincha no enlace para descargarche o Calendario Fiscal.

O Consello Xeral da Arquitectura Técnica de España, CGATE, convoca a XV edición dos Premios da Arquitectura Técnica á Seguridade na Construción, destinados a distinguir as achegas, debidas á iniciativa pública ou privada, que supoñan un avance na prevención de riscos laborais nas obras de edificación.

Consulta no enlace todo o relativo a estes premios.

Do 4 ao 25 de marzo terá lugar na Sala de Usos Múltiples do COAATIEAC, unha exposición de Óscar Carballo denominada "fabricando zepelines".

Máis información no enlace.

Informámosvos que a partir do 1 de marzo, o novo horario de visado e de atención ao colexiado nas delegacións por parte do Técnico de Visados será o seguinte:

Ferrol: mércores de 10,00 a 13,00 h.

Santiago: venres de 9,00 a 14,00 h.

ATAYO S.A. comunícanos a aparición da base de datos PREOC 2010, onde o forte axuste de prezos á baixa que está sufrindo todo o sector ten un papel destacado, así como a nova versión con interesantes novidades, do prograda de medicións e orzamentos PREMETI 2010, ofrecendo ambos a un prezo especial para o noso colectivo, ata o 30 de xunio de 2010.

Para ver mais información, pincha no enlace. 

Informámosvos que, por motivos técnicos, queda suspendido momentáneamente o servizo de envío de SMS a colexiados, empregado para notificar incidencias sobre o Visado Dixital, inscripción a Cursos, etc.

Lamentamos as molestias que isto poida ocasionar.

Como cada ano, o Consello de Dirección de Censolar concede vinte becas para que, de forma totalmente gratuita, outras tantas persoas poidan cursar, durante o ano 2010-2011 e en réxime de ensino a distancia, os estudos conducentes á obtención do Diploma de Proxectista "Instalador de Enerxía Solar".

Pincha no enlace para ampliar a información sobre estas becas.

Publicouse no DOGA nº 217, de 5 de novembro, o Decreto 402/2009, de 22 de outubro, polo que se establecen as axudas públicas en materia de vivenda a cargo da Comunidade Autónoma de Galicia e regúlase a xestión das previstas no Real decreto 2066/2008, de 12 de decembro, para o período 2009-2012.

Podes consultalo no enlace.

Queridos compañeiros:

Como xa informamos anteriormente, viñéronse mantendo negociacións, tanto coa Universidade da Coruña como coa Consellería de Educación, para procurar obter cursos en mellores condicións que a actual oferta de 60 prazas da Escola Universitaria de Arquitectura Técnica (EUAT).

Trala reunión co Conselleiro de Educación e, como a propia Consellería indicou na súa nota de prensa, pódese afirmar que se está elaborando un convenio que permita a realización dun curso específico para colexiados a impartir en cada sede provincial, con 60 prazas, a realizar durante o segundo cuatrimestre e en horario de venres tarde e sábado mañá. Devandito curso repetirase cada ano ata o curso académico 2014-2015, co obxecto de que se poidan graduar o maior número de colexiados que o desexen, antes da primeira promoción da EUAT.

Pincha no enlace para obter máis información sobre este curso.

Co fin de mellorar o servizo que este COAAT-AC presta aos seus colexiados e clientes, como en anos anteriores ponse á vosa disposición un Cuestionario de Medición de Satisfacción, que podes encher e enviar a través do enlace.

¡Contamos coas vosas opinións!